Ég skrítin, eða þátturinn??

Var að horfa á þátt á ÍNN sem er einhver svona ný sjónvarpsstöð sem ég kíkji stundum á og hef oftar en ekki ansi gaman af, en ég verð að viðurkenna að áðan þegar ég var að horfa á þáttinn hjá Kolfinnu og Ásdísi sem samanstendur venjulega af nokkrum brjáluðum konum að gjamma hver ofan í aðra, (hreinlega elska brjálaðar konur) þá var ég aftur og aftur að grípa sjálfa mig við það að fara að gjamma ofan í þær og ræða við þær hérna úr sófanum hjá mér, á það til að gera þetta líka annaðslagið þegar ég horfi á Silfur Egils þó svo að ég hafi yfirleitt afar takmarkaða vitneskju um hvað gengur á í þeim þáttum, ætli það skrifist ekki á hversu illa upplýst ég er.... hmm.....

En allavegana ég mæli með þessum þáttum hjá stelponum á ÍNN, virkar fyrst eins og grúppa af fólki að öskra á hvert annað, en um leið og maður kemst inn í umræðuefnið þá er þetta ótrúlega skemmtilegur þáttur.

Eitt sem ég hef líka svolítið verið að spá í svona fyrst ég er að röfla um sjónvarp.... Eftir að ég varð ehh... í því ástandi að vera með vaxandi fóstur inni í leginu á mér, (alltaf jafn þjált) þá hefur skapast einhver leti í mér, og ég held mig yfirleitt heima hjá mér um helgar, afhverju í ósköponum er aldrei neitt í sjónvarpinu á föstudags og laugardagskvöldum, jújú það er alveg eitthvað í gangi svona fram undir það að það er búið að borða kvöldmat og koma gemlingnum á heimilinu í háttinn en svo situr maður uppi með hvað? FJANDANS BATCHELOR og eitthvað álíka uppbyggjandi og skemmtilegt sjónvarpsefni, eins og þátt sem samanstendur af einhverju fólki sem var saman í skóla fyrir guð má vita hvað mörgum árum síðan og er enn biturt út í þann sem það fór með á "promið" HVAÐ ER ÞAÐ???

Er bara alveg bannað að vera heima hjá sér um helgar nema að steikja á sér hausinn í lélegu raunveruleikasjónvarpi? Ég veit að þarna er ég kanski að kasta stein í glerhúsi þegar kemur að því að ræða raunveruleikasjónvarp en ég neita að trúa því að ég hafi verið SVONA lélegt sjónvarpsefni!!

Er hætt að nöldra

Athugasemdir

[Kittý Sveins, 23.2.2008 kl. 15:30]

Ahahahahah.. já sjónvarpsefnið er einstaklega leiðinlegt um helgar.. og ekki skárra hina dagana.. það er bara heppni ef að maður finnur eithvað skemtilegt að horfa á!!!

[Vigga hans Tobba..... (IP-tala skráð) 23.2.2008 kl. 19:56]

Gaman að "sjá" þig hér!! Og til hamingju með vaxandi fóstrið!!

 Kveðja frá selfossi...

[Jens Guð, 27.2.2008 kl. 01:26]

  Þú varst flott á Útvarpi Sögu.