Stresskast

18.6.2008 | 11:18

Vildi að ég væri í vinnu núna, vantar eitthvað til að dreyfa huganum aðeins.....

Er að bíða eftir símtali frá spítalanum til að athuga hvernig aðgerð á pabba mínum gengur, en það er verið að fjarlægja barkakýlið úr honum í dag vegna krabba, sum sé frá deginum í dag getur hann ekki fundið lykt eða bragð, og verður með svona gat á hálsinum og innöndunarloka. Einhvernveginn hélt maður alltaf að það yrðu mörg ár þangað til maður þyrfti að fara að bíða eftir svona aðgerðum, hann er ekki nema rétt rúmlega fimmtugur maðurinn. Voða skrýtið að sitja bara og bíða. Eeeeen ekkert hægt annað en að vera bjartsýnn, enda tæknin orðin svo svakaleg í dag að það er svosem ekkert til að hafa áhyggjur yfir held ég, vildi bara að ég vissi meira um svona aðgerðir.

Annars gengur allt í sómanum held ég bara!! Vorum að fá brauðvél sem pabbi ákvað að við YRÐUM að eiga vegna þess hve allt er orðið dýrt, enda ekki verra að geta alltaf fengið nýtt og gott spelt brauð sem við höfum verið að nýskast við að vera að kaupa hingað til. Svo mætti sá gamli með þurrkara, af því að "fyrst það er nú að koma barn þá er nú ekki hægt að vera svona þurrkara-laus" Veit ekki alveg hvernig hann heldur að fólk hafi farið að hingað til, en ekki mótmæli ég!!!

Þarf að finna snið á einhverjum voða fínum hálsklútum sem margir með svona innöndunarloka nota víst, finn þetta bara ekki á netinu, og þarf að drífa í að ná að sauma þetta áður en sá gamli kemur heim af spítalanum, þannig að ef einhver hefur séð svona eða þekkir einhvern sem kann að sauma þetta þá auglýsi ég hér með eftir sniði!!!

Flokkur: Bloggar | Facebook

Athugasemdir

æj kallanginn, skilaðu kærri kveðju til hans þegar hann vaknar...(þú mátt skila til hans orðrétt að hætta þessu veseni) Hehe hann skilur húmorinn

Ragnheiður , 18.6.2008 kl. 12:01

Ég skila því orðrétt ég lofa, var að heyra í spítalanum og allt gekk vel, hann er að vakna og allt í góðu, fer svo og hitti hann um kvöldmatarleitið og þá skila ég kveðjunni